2026–2027 хичээлийн жил
Та бүхэн энэ өдрийн мэндийг хүргэе!
Хамгийн үнэ цэнэтэй, хайртай үр хүүхдээ бидэнд итгэн даатгаж, Little Dino цэцэрлэгийн гэр бүлд нэгдсэн та бүхэнд чин сэтгэлийн талархал илэрхийлье.
Цэцэрлэгийн амьдрал хүүхдийн хувьд ч, эцэг эхийн хувьд ч шинэ эхлэл байдаг. Хүүхэд маань хэрхэн дасан зохицох бол, юу идэх бол, өвдвөл яах вэ, өдөржин юу сурах вэ гэх мэт санаа зовнил бүхэн тань ойлгомжтой бөгөөд бид түүнийг хүндэтгэн хүлээж авдаг. Иймд эцэг эхчүүдээс байнга ирдэг асуултуудад тодорхой, нэгдсэн хариулт өгөх зорилгоор энэхүү гарын авлагыг бэлтгэлээ.
Бид хүүхэд бүрийг өөрийн онцлог, хэмнэлтэй, давтагдашгүй хувь хүн гэж үздэг. Хичээлийн жилийн турш «Би чадна»-аас эхлээд «Би чадлаа» хүртэлх хөтөлбөрүүдээрээ дамжуулан хүүхэд тань аюулгүй, дулаан орчинд өөртөө итгэлтэй, бие даасан, эрүүл саруул өсөж хөгжихөд нь бүх хүчээ дайчлан ажиллах болно.
Хүүхэд бүрийн инээд, анхны алхам, шинээр сурсан үг бүр бидний хувьд бахархал, урам зориг юм.
Хүүхдийн хөгжилд гэр бүл, цэцэрлэг хоёрын нягт хамтын ажиллагаа хамгийн чухал. Хүүхдүүдийнхээ хамгийн гэгээлэг он жилүүдийг хамтдаа утга учиртай, баяр баясгалантай өнгөрүүлэхийг хүсэн ерөөе!
Хүндэтгэсэн,
Ц.Нямсүрэн
Little Dino цэцэрлэгийн сургалт хариуцсан захирал
2–6 насны хүүхдэд зориулсан, 2023–2024 оны хичээлийн жилд байгуулагдсан хувийн цэцэрлэг
Алсын хараа
Жижгээс томруу
Эрхэм зорилго
Хүүхэд нэг бүрийн суурь чадварыг хөгжүүлэн тусгаар бие даасан бүтээлч байдлыг дэмжих хөгжлийн хөтөлбөрийг хэрэгжүүлэх
Үзэл баримтлал
Тэгш хүртээмжтэй орчин бүрдүүлж, бие даасан бүтээлч үйлийг дэмжиж, хүүхдийн эрхийг дээдлэн ажиллана.
Cute Dino2–3 насBrave Dino3–4 насCool Dino4–5 насCreative Dino5–6 нас08:00–18:00
Сургуулийн өмнөх боловсролын цогц шийдэл
«Life Tree» сургалтын цогц шийдэл нь дараах чадварыг эзэмшсэн хүүхдийг бэлтгэнэ. Нэг хичээлийн жилд цуврал 10 модулийг хэрэгжүүлж, амьдралд хэрэгтэй эерэг дадал, мэдлэг чадварыг олгохыг зорино.
Аливаа нэг үйлийг багадаа 21 хоног эсвэл түүнээс дээш хугацаанд хэрэгжүүлснээр дадал хэвшлийг эзэмшдэг. Тиймээс нэг хичээлийн жилд эзэмших ёстой дадлуудыг хэсэгчилж модуль гэж нэрлэдэг.
Хичээлийн жилийн турш
Суралцагч хүүхэд бүрийн нас, хувь хүний онцлогийг тодорхойлох, онцлогт тохирсон арга барилаар шинэ орчинд дасан зохицуулж, аюулгүй, итгэлтэй, эерэг сэтгэл хөдлөлтэйгээр цэцэрлэгийн амьдралд оролцох нөхцөлийг бүрдүүлэх зорилготой хөтөлбөрийг хэрэгжүүлдэг.
Хүүхэд бүрийн одоо эзэмшсэн чадвар, сонирхол, давуу тал болон цаашид хөгжүүлэх шаардлагатай ур чадварыг тодорхойлно.
Шинэ жилийн баярын уур амьсгалыг хүүхдүүдэд мэдрүүлж, баяр баясал, бүтээлч сэтгэлгээ, хамтын ажиллагааг хөгжүүлнэ.
Цагаан сарын баярын үеэр хүүхдүүдэд монгол ахуй, ёс заншил, уламжлалт соёлыг амьд туршлагаар дамжуулан танилцуулна.
Хүүхэд бүрийн жилийн турш олж авсан мэдлэг, чадвар, ахицыг тайлан хэлбэрээр нэгтгэн харуулна.
Манай цэцэрлэг нь Singapore school of Mongolia-ийн бэлтгэл хөтөлбөр болох «Суралцахуйд бэлтгэх хөтөлбөр»-ийг хамтран хэрэгжүүлдэг. Тус хөтөлбөр нь хүүхдийг сургуульд амжилттай дасан зохицоход бэлтгэдэг.
made by: 101studio